Tơ̆ Pơm lêh ou, Hơnih chĕp pơgơ̆r hơvơn plang ăn pham dêh char Kon Tum hlôi pôk pơ ư 349 ‘nu bơngai, ŭnh hnam, tơpôl plang ăn pham lơ. Hăm nơ̆r “Plang pham dŏng hơrih bơngai-Minh trong jang ‘lơ̆ng”, tơdrong jang plang ăn pham tơ̆ dêh char Kon Tum dôm sơnăm tơjê̆ ou iung jang ‘lơ̆ng iŏk đei lơ păng lơ bơngai vang plang ăn pham. Đơ̆ng sơnăm 2023 truh dang ei lơ̆m dêh char hlôi pơgơ̆r 57 ‘măng plang ăn pham, sơng iŏk đei vă jê̆ 9.800 tơpu pham lơ hloh trong pơjao ăn.