Kơdră chĕp kơ̆l Anih tơm vei lăng Kŏng an hlôi sơng păng pơgơ̆r pôk hơpăh tơmam, pơlung Khŭl bơ̆jang kơtă tơ̆ Cham gre păr apŭng plĕnh teh Nội Bài. Đơ̆ng rŏng lơ năr kơdâu pơjei hăm jơ năr vă tơchă bơngai răm đei kơ lơ̆p lơ̆m hnam păk pơchăh, Khŭl bơ̆jang vang năm dŏng sar bar, dŏng tơgŭm kơ Anih tơm vei lăng Kŏng an Việt Nam tơ̆ Thổ Nhĩ Kỳ hlôi jang đang hơnăp jang đei pơjao; hơdai hăm khŭl lĭnh dŏng sar bar, dŏng tơgŭm dôm teh đak dŏng iŏk đei 1 ‘nu oei arih lĕch đơ̆ng hơnih hơlih pơchăh; tơchă, iŏk đei 14 hơkâu bơngai lôch lĕch tơ̆ ‘ngoăih pơjao ăn anih jang pơgang tơring; hơdai hăm hlôi gơih vă jê̆ 2 tấn tơmam pơgang đơ̆ng Anih tơm vei lăng Kŏng an Việt Nam ăn anih jang vei lăng teh đak Thổ Nhĩ Kỳ păng ăn kơ Anih vei lăng jang pơgang pơlei tơm Adiyaman.

‘Măng âu Kơ dră Anih tơm vei lăng Kŏng an hlôi pôk hơpăh bằng khen ăn 24 ‘nu kang ƀô̆, khŭl linh hlôi jang đang ‘lơ̆ng lơ̆m ‘măng năm bơ̆ jang dŏng tơgŭm, dŏng sar bar đơ̆ng teh tơdrŏ tơ̆ Thổ Nhĩ Kỳ.