Đei pơgơ̆r tih, hăm văjê̆ 1.000 ‘nu bơngai vang akŏm, Tơdrong thi kơdâu THACO Marathon Yoa tơdrong sơđơ̆ng tơ̆ trong nơnăm vă hơtŏk tơdrong pơtâp pơhrăm hơkâu jăn ‘moi kiơ̆ Ƀok Hô ‘mêm kơ-eng; roi tơbăt, pơtho tơƀôh, pơm hơtŏk đon hlôh vao yoa tơdrong sơđơ̆ng tơ̆ trong gre; pơtho tơƀôh tơdrong juăt jang kăch mang, roi tơbăt dôm anih gru groa so gĭt kơ tĕh đak nhen Groi kông 1015 (Groi kông Charlie) păng Groi kông 1049 (Groi kông Delta).

 Ƀlep ƀât ‘măng mă âu, Anih mong jên Yoa tơdrong sơđơ̆ng tơ̆ trong nơnăm đơ̆ng Ƀăo Giao thông hơpăh 25 tơpu tơmam, 1 tơpu đei kơjă 2 triu hlak jên ăn dôm unh hnam, bơngai răm đơ̆ng pơ̆k gre, đei tơdrong arih xa mơmat tat; hơpăh 200 tŏ môk kŭp ăn Anih vei lăng sơđơ̆ng tơ̆ trong nơnăm dêh char Kon Tum.