Apŭng Đức Cơ hlôi pơjing khŭl pơgơ̆r pơtho sut ưh kơ gơh chư tơ̆ dôm tơring, klăih song hơnăp jang ăn kơ dôm bơngai kiơ̆ rim tơring; pơgơ̆r răp hơlen, hơlen lăng, tơgŭm dôm tơring oei mơmat tat. Hloh 3 khei kơ âu, rim jơ tơ̆ gơmăng, lăm sut ưh kơ gơh chư tơ̆ Hnam trưng hŏk jăl 1 Trần Phú, xăh Ia Dom, apŭng Đức Cơ ‘noh ŭnh kơ đeng hơdăh păng re jơva nơ̆r đŏk chư.

Lăm hŏk đei vă jê̆ 40 ‘nu ‘noh bơngai kon kông đơ̆ng dôm pơlei kơ xăh Ia Dom, apŭng sơlam Đức Cơ, dêh char Gia Lai. Lơ̆m jăl jang 2021 - 2025, bơ̆jang kiơ̆ Tơdrong jang tơm teh đak hơtŏk tơiung mŭk drăm tơpôl tơring kon pơlei kon kông păng groi kông, dêh char Gia Lai tơlĕch ăn tơdrong hơgăt pơih 735 lăm sut ưh kơ gơh chư tơ̆ dôm apŭng, thị xăh, pơlei tơm ăn kơ hloh 23.000 ‘nu hăm akŏp jên 47 ti hlak jên.