Kiơ̆ trong pơprŏ jang, rim phương Pleiku, Hội Phú, Diên Hồng, Thống Nhất atŭm hăm tơring Đak Đoa gô jang pơlong năng bơ̆ jang pơm hla bơar hô̆ tĭch păng pơm hla bơar teh. Lơ̆m mă noh, rim tơring Gào, Biển Hồ, Chư Pưh, Chư Păh atŭm hăm phương An Phú gô jang pơlong năng jang pơm hla bơar tơ-‘ngla teh. Tơdrong bơ̆ jang pơlong năng đei pơgơ̆r lơ̆m năr 25/6. Kiơ̆ trong pơprŏ jang đei dêh char Bình Định pơjing: kang ƀô̆ dêh char Gia Lai iung jang hloi sơng iŏk hô sơ tơ̆ tơring, găh kang ƀô̆ 10 tơring kơ dêh char Bình Định vang bơ̆ jang hơlen, kĭ tơchơ̆t lơ̆m kmăi. Jơ ‘năr iung bơ̆ jang pơlong năng đơ̆ng 2 jơ kơsơ̆, pơtôch bơ̆ jang lơ̆m 3 jơ kơsơ̆ ‘noh hloi. Đơ̆ng rŏng bơ̆ jang pơlong năng, 2 dêh char gô hop akom lăng hơlen hơdăh, hơmet ming, pơm pơkeh trong bơ̆ jang. Iŏk đơ̆ng năr 1/7, đĭ đăng tơring, phương lơ̆m dêh char Gia Lai gô iung bơ̆ jang pơm hla bơar ăn kon pơlei kiơ̆ trong bơ̆ jang hle.