Ƀô̆ trương Tô Lâm sơkơ̆t hơdăh, Việt Nam ling lang lăng Hoa Kỳ jĭ mĭnh lơ̆m dôm teh đak jang hơdoi gĭt kăl hloh, tơbăt tơdrong pơchŏh, tơlĕch jang rim trong bơ̆ jang, tơdrong tơchơ̆t khôi luơ̆t kơ Việt Nam sơđơ̆ng trŏ ƀlep hăm tơdrong iŏk đei jơnei, rim tơdrong pơkăp apŭng plĕnh teh păng kiơ̆ Khôi luơ̆t kơ Việt Nam. Lơ̆m au, tơdrong đei iŏk yua ăn bơngai jang sơđơ̆ng ƀlep hăm tơdrong Tơchơ̆t kơ Khul vei lăng Tơdrong jang apŭng plĕnh teh; tơdrong mong răk hơnhăk tơlĕch đơ̆ng teh đak năm tơ̆ teh đak anai găh dôm hla bơar tơchơ̆t đei sơđơ̆ng ‘lơ̆ng hơ iă.

Vă pơjing hơyak pran, pơtrŭt hloh dơ̆ng tơgoăt tơgoăl jang hơdoi mŭk drăm-mơdro sa-tơmơ̆t jên jang ƀar teh đak lơ̆m khei năr kơnh, Ƀô̆ trương Tô Lâm athei Hơnih bơ̆ jang tang măt Mơdro sa Hoa Kỳ hơnơ̆ng jang kiơ̆ hơnăp jang ‘nŏh pơm gơng tơroh klŏh klĕch gĭt kăl ƀar păh Khŭl kơdră chĕp pơgơ̆r teh đak kơ ƀar teh đak vă atŏk kơtang tơgoăt tơgoăl Jang hơdoi tôm tong Việt Nam-Hoa Kỳ.