Tơ̆ jơ sơng, Ƀô̆ trương Tô Lâm pơma hơdăh, đơ̆ng rŏng jĭ hơbuh Covid-19, Hơnih tơm Kŏng ang Việt Nam akŏm sơđơ̆ng ‘lơ̆ng tơdrong jang chinh trĭ, sơđơ̆ng tơpôl tơgŭm ăn iung jang mŭk drăm teh đak tŏk ‘lơ̆ng păng atŏk tơ iung kơjăp, tơlĕch jang hơdrol atŏk tơ iung choh jang sa rơgoh, pơm tơlĕch ‘lơ̆ng tơmam drăm choh jang sa, tơmam drăm tĕch mơdro tơ̆ teh đak đe, atŏk kơtang iung jang kiơ̆ tơplih kơsô̆ lơ̆m rim hơnih jang kmăi kmŏk pơm tơlĕch tơmam drăm trong tơm, jei jing dôm hơnih đei lơ rơvơn ăn hơnhih mơdro sa Nhật Bản vang tơmơ̆t jên jang lơ̆m Việt Nam.

Vă hơnơ̆ng atŏk kơtang jang hơdoi tơpă, jơnei, kơtang, Ƀô̆ trương Tô Lâm athei, khei năr kơnh, ƀar păh hơnơ̆ng tơbăt dih băl kơtơ̆ng ang, atŏk kơtang jang hơdoi lơ̆m tơdrong jang tư phap, tơbăt, pơma dơnuh trong jang hơ iă lơ̆m bơ̆ jang kmaiw kmŏk kơsô̆ lơ̆m vei lăng bơ̆ jang. Ƀô̆ trương Tô Lâm athei păh Nhật Bản tơgŭm djru păng tơgŭm djru rim tơdrong jang hơdoi vei lăng rơngei hiôk hian Liên hợp quốc kơ khul Kŏng ang kon pơlei Việt Nam.