Việt Nam hlôi yak hloh 35 sơnăm tang găn jĭ HIV/AIDS păng iŏk đei jơnei hơ iă, jĭ teh đak dơ̆ng hơlou Châu Á - Thái Bình Dương găh măt bơngai đei hơmet hăm pơgang PrEP, tơgŭm vei lăng năng tông ‘lơ̆ng đei 97% bơngai iŏk yoa veh ver tơpoh jĭ HIV. Vă jang kiơ̆ keh đang trong tơlĕch jang pơtôch pă đei jĭ AIDS lơ̆m sơnăm 2030, Kơ iĕng Thủ tướng Lê Thành Long athei Hơnih tơm, hơnih bơ̆ jang dăr lăng, tơmơ̆t dơ̆ng, pơm pơkeh trong jang khôi luơ̆t tang găn HIV/AIDS sơđơ̆ng trŏ lăp ‘lơ̆ng hơ iă. Tơlĕch đei trong tơchơ̆t, trong jang, pơjing rơvơn vă atŏk kơtang iung jang kiơ̆ đơ̆ng rim hơnih jang, rim bơngai; hơnơ̆ng tơplih ‘nao, pơm hơtŏk jang ‘lơ̆ng tơbăt kơtơ̆ng ang, pơrô̆ pơrôp, pơtho khan, mă kăl tơdrong hil hơreh veh ver đei ƀơm truh HIV/AIDS.