Ƀô̆ trương Tô Lâm tơbang tơdrong lui ngeh, rim bơngai jang tang măt, Kơdră anih jang tang măt ăn Việt Nam tơ̆ teh đak đe gô chĕp vei tơnăp xơnong jang, pơm gơng tơroh vă hơtŏk jang tơbôl đơ̆ng Việt Nam hăm rim teh đak, hơtŏk anih dơ̆ng kơ Việt Nam lơ̆m kơpal teh păng anih gơnơm kơjăp kơ kon pơlei Việt Nam tơ̆ teh đak đe. Ƀô̆ trương Tô Lâm hmach bơnê kơ tơdrong tơrĕk, jang hadoi kơjăp mă Anih tơm jang Tơbôl pơjao ăn tơdrong jang tơbôl lơ̆m kơpal teh kơ Anih tơm Kŏng ang lơ̆m khei năr âu ki; xơkơ̆t tơdrong jang tơbôl đơ̆ng khul Kŏng ang tŏk bŏk oei pơtoi tơplih 'nao, đei jơnei tơnăp; 'meh vă Anih tơm jang tơbôl pơma atŭm păng rim Bơngai jang tang măt, Kơdră Anih jang tang măt ăn Việt Nam tơ̆ teh đak đe pơma adrô̆ pơtoi tơrĕk tơgŭm ăn Anih tơm Kŏng ang pơih xă tơdrong jang tơbôl lơ̆m kơpal teh.