Pơma tơ̆ Hop akŏm, ƀok Đỗ Văn Chiến- Kơdră Anih Trung ương Mặt trận Tổ quốc Việt Nam – chih răk păng pôk pơ ư dôm tơdrong jơnei mă Đảng ƀô̆, khul kơdră pơgơ̆r păng kon pơlei dôm hơdrĕch hơdrung tơ̆ dêh char Gia Lai hlôi iŏk đei. Ƀok pơma hơdăh dôm tơdrong tam mă hơiă, tam mă ‘lơ̆ng mưh bơ̆ jang tơdrong jang tơm kơ teh đak găh atŏk tơiung mŭk drăm, tơpôl tơ̆ tơring kon kông păng groi kông tơ̆ dêh char.

Atŭm hăm ‘nŏh, athei Gia Lai hơnơ̆ng tơrek truh tơdrong pơm hơtŏk tơdrong arih xa găh tơmam drăm, jơhngâm đon ăn kon pơlei; tưk tơiung hơnăp jang gĭt kăl đơ̆ng bơngai đei bưng ai, grih tih lơ̆m tơpôl vă pơjing khul chă roi tơbăt, krao hơvơn kon pơlei dôm hơdrĕch hơdrung, vang tơgop pơjing đei đon lui kơjăp ‘lơ̆ng; hơnơ̆ng hơmet ming, tưk tơiung tơdrong tơguăt đĭ đăng hơdrĕch hơdrung; hơtŏk tơdrong chĕp vei, tưk tơiung tơdrong juăt, jŏh ayŏ kơ dŏ xoang ‘lơ̆ng hơiă kơ hơdrĕch kon kông.