Lơ̆m kơthơ gơih ăn Kơdră Thượng viện Sekiguchi Masakazu păng Kơdră Hạ viện Nukaga Fukushiro, Kơdră Quốc hội Trần Thanh Mẫn lui, hăm tơdrong jang gơ̆h hơgei păng bưng ai tih đơ̆ng kơdih, 2 ‘nu ƀok Kơdră gô chĕp kơ̆l pơgơ̆r Thượng viện, Hạ viện Nhật Bản hơnơ̆ng iŏk đei lơ tơdrong jơnei tih tên hlŏh dơ̆ng, vang tơgop ăn tơdrong jang tŏk hơnŭk hơnoa păng anih dơ̆ng roi kơ jung đơ̆ng teh đak Nhật Bản lơ̆m apŭng plenh teh.

Kơdră Quốc hội Trần Thanh Mẫn chơt hơiă mưh ƀôh tơdrong pơvei "Jang hơdoi gĭt kăl tôm tơdrong yoa tơdrong rơngei păng hơnŭk hơnoa tơ̆ châu Á păng apŭng plenh teh" đơ̆ng Việt Nam păng Nhật Bản oei tŏk pran ‘lơ̆ng lơ̆m rim tơdrong, hăm đon lui băl găh chinh trĭ tôch kơjăp păng pơvei đunh đai đơ̆ng sơ̆, tơdrong vă lei lăi băl găh jơhngâm đon păng jŏh ayŏ kơ dŏ xoang kơ hơdrĕch hơdrung; tơdrong pơvei đơ̆ng Quốc hội Việt Nam păng Nghị viện Nhật Bản khei ‘năr âu ki hơnơ̆ng tŏk ‘lơ̆ng, tơgop gĭt kăl ăn tơdrong jang tŏk pran kơtang, đei yoa lơ̆m tơdrong pơvei kơ 2 teh đak.