Rim bơngai pơdăr tơbăt găh tơdrong hre jên iŏk yua ŭnh hơyuh, pơjăo kăt ŭnh hơyuh, athei kon pơlei kla ăn kon jên iŏk yua ŭnh hơyuh hăm trong pơtruh kon jên lơ̆m tai khoan hơnih mong jên; dăh mă kai tơmơ̆t ư̆ng yŭng hơlĕnh lơ̆m điên thoăi vă đe hăp băt tôm tơdrong lơ̆m điên thoăi kon pơlei, iŏk klĕ kon jên lơ. Công ty Ŭnh hơyuh Dak Lăk sơkơ̆t hơdăh, rim bơngai bơ̆ jang kơ hnam kmăi ŭnh hơyuh mưh chă pơma dơnuh hăm kon pơlei jei pơm kiơ̆ ƀlep trong jang vei lăng năng tông kon pơlei iok yua ŭnh hơyuh, ưh kơ gơ̆h đei nơ̆r pơma kư̆ kă, ưh athei kon pơlei mơ̆t lăng lơ̆m trong link, ưh athei tơmoi kai tơmơ̆t ư̆ng yŭng lơ̆m điên thoăi. Hơnih jang ŭnh hơyuh Dak lăk athei kon pơlei kơchăng, ‘nĕ tơroi tơbăt dôm tơdrong kơ dih, ưh kơ kla ăn kon jên iŏk yua ŭnh hơyuh lơ̆m tai khoan hơnih mong jên mưh tim mă băt hơdăh, ‘nĕ kai tơmơ̆t ư̆ng yŭng chrih lơ̆m điên thoăi. Mưh lăng ƀôh đe krao điên thoăi kơsô̆ chrih ‘noh tơroi tơbăt hloi ăn tổng đài 19001909 dăh mă krao điên thoăi pơma dơnuh hloi hăm hơnih jang ŭnh hơyuh tơring vă băt hơdăh.