Kơdră Quốc hội pơma hơdăh, Việt Nam ling lang chih tơƀlŏk tơdrong tơgoăt 1 ƀơ̆r đon păng tơdrong tơgŭm đơ̆ng Đảng păng Teh đak Cuba ‘măn ăn kơ Việt Nam lơ̆m tơdrong iung tơblăh iŏk rơngei hơdrĕch hơdrŭng păng rơngei teh đak hơdrol sơ̆, kŭm nhen lơ̆m tơdrong jang pơjing, hơtŏk tơiung teh đak hrei ‘nâu; akhan ‘nâu jĭ tơdrong pơvei tơbôl gĭt kăl hăm tơdrong lui ngeh chĭnh trĭ ‘lơ̆ng, ling lang jing tơdrong ‘lơ̆ng lơ̆m pơvei apŭng plĕnh teh đơ̆ng Việt Nam păng Cuba.

Lơ̆m jăl jang đơ̆ng kơdih Bơngai tang măt hlôi đei dôm tơdrong tơgop ‘lơ̆ng, pơm gơng tơƀưh git kăl ăn tơdrong pơvei tơbôl, jang hơdai 2 teh đak; tơƀôh đon lui ngeh mă đơ̆ng lơ̆m kơchư̆k jang kiơ Bơngai tang măt kŭm gô hơnơ̆ng tơgop ‘lơ̆ng lơ̆m tơdrong pơtrŭt pơvei tơbôl, tơgoăt 1 ƀơ̆r đon gĭt kăl đơ̆ng Việt Nam păng Cuba.