Lăp đơ̆ng rŏng pơm lêh sơng, Kơdră chĕp pơgơ̆r teh đak Lương Cường hăm Kơdră tơm Đi-na Ê-xi-li-a Bô-lu-a-tê Xê-ga-ra hlôi đei jơ tơƀơ̆p păng đơ̆ng rŏng ‘noh chĕp kơ̆l Khul kơdră kơpal ƀar teh đak pơgơ̆r pơma đam vă pơma dơnuh rim trong jang hơmet pơ ‘lơ̆ng tơgoăt tơgoăl chinh trĭ ‘lơ̆ng hơ iă ƀar teh đak, pơm hơtŏk iŏk jơnei jang hơdoi lơ̆m rim tơdrong đei păng lăng truh hơnhăk tơgoăt tơgoăl tŏk kơtang hloh dơ̆ng. Hơdrol kơ ‘noh, Kơdră chĕp pơgơ̆r Teh đak Lương Cường hăm khul kơdră kơpal Việt Nam hlôi năm truh ming gơvang pơkao tơ̆ Hơnih man tơbăt rim Bơngai nuih mơng hơdrĕch hơdrung păng Bơngai gơh hơgei pơjing Pơm tơm kơdih tơ̆ hơnih tơm Lima.