Kơdră tơring hlôi iung jang rim trong jang vei lăng sơđơ̆ng ăn kon pơlei. Ƀok Lê Hữu Hưng, Kơdră chĕp pơgơ̆r Hơnih vei lăng kon pơlei tơring Kim Tân, apŭng Ia Pa, Gia Lai tơbăt, ‘mi tih đunh đơ̆ng gơmăng năr 11 truh năr 12/11. Dang 5 jơ pơgê năr 13/11, gơng lăh tơ̆ thoong đak Đak PiHao, jăl găh pơlei Mơ Nang 2, đak lơ̆p jrŭ, pơm ăn 315 ŭnh hnam kon pơlei kơ pơlei ou ưh kơ gơ̆h yak năm tơ̆ nai. Kơdră tơring hlôi iung jang pơrô̆ athei kon pơlei ‘nĕ chă koa găn gơng ou păng ăn khul jang vei lăng vă sơđơ̆ng ‘lơ̆ng hơ iă.