Tơ̆ Hơnih tơm Bắc Kinh, ƀok Phan Đình Trạc hăm Khul hlôi pơma dơnuh hăm ƀok Lý Hy, Bí thư Hơnih bơ̆ jang Dăr lăng Tơbrar Trung ương Đảng Cộng sản Trung Quốc; pơma đam hăm ƀok Trần Văn Thanh, Bí thư Hơnih bơ̆ jang Chính pháp Trung ương Đảng Cộng sản Trung Quốc; bơ̆ jang hăm Kơdră chĕp pơgơ̆r Hơnih bơ̆ jang Dăr lăng Tơbrar Trung ương, Hơnih jang Dăr hơlen teh đak Trung Quốc. Tơ̆ rim ‘măng tơƀơ̆p pơma dơnuh kơdră kơpal, Kơdră chĕp pơgơ̆r ƀar păh pơma hơdăh tơdrong kăl kơ rim ‘măng năm tơmang dih băl kơ Khul kơdră kơpal ƀar Đảng, ƀar teh đak, păng tơjê̆ ou hloh ‘noh ‘măng năm tơmang Trung Quốc jơnei keh kong đơ̆ng Tổng Bí thư Tô Lâm; hôn bơnê kơtang dôm hơyak atŏk tơ iung gĭt kăl, tôm tong kơ tơgoăt tơgoăl ƀar Đảng, ƀar Teh đak lơ̆m rim tơdrong, mă kăl lơ̆m tơƀơ̆p pơma dơnuh dih băl kơdră kơpal vei hơnơ̆ng, jang hơdoi mŭk drăm, mơdro sa păng tơmơ̆t jên jang tŏk kơtang, jang hơdoi tơmang pơhiơ̆ păng kon pơlei năm ngôi dih băl lơ, pơtrŭt kơtang tơgoăt tơgoăl Việt - Trung atŏk tơ iung kơtang.