‘Măng năm ngôi đei hơmĕng ‘noh jĭ tơƀôh ‘lơ̆ng jơhnơr hơrih, tơgop hơmet ming tơdrong pơvei chĭnh trĭ ‘lơ̆ng hơiă đơ̆ng 2 teh đak, hơtŏk ‘lơ̆ng đei yua jang hơdai lơ̆m rim tơdrong jang tơmam ‘lơ̆ng păng yak truh hơnhăk tơdrong pơvei tŏk ‘lơ̆ng ‘nao.

Hơdai hăm ‘noh, tơdrong Kơdră teh đak vang truh akŏm Giĕng lêh Kơdră kơpal APEC 2024, ƀlep lơ̆m ‘măng tơbăt 35 sơnăm pơjing Hop akŏm, hơnơ̆ng tơƀôh hơdăh tơgop ‘lơ̆ng, jang hơdai đơ̆ng Việt Nam lơ̆m tơdrong hơmet pơ ‘lơ̆ng dôm tơdrong tơring păng jơ̆p plei teh, mă loi ‘noh jĭ pơtrŭt jang hơdai mŭk drăm apŭng plĕnh teh, pơm tơdrong ‘lơ̆ng ‘nao ăn jang tŏk kơ tơring; hơnơ̆ng hơmet ming hơnăp jang đơ̆ng APEC jĭ hop akŏm mŭk drăm tih hloh.