Hơ iă hăm ƀok Ogata Yoshimi păng dôm bơ ngai lơ̆m Khul tang măt Anih kanh sat tĕh đak Nhật Bản năm tơ̆ Việt Nam vang truh Hop akŏm găh tơdrong sơđơ̆ng ăn đe phŏ Kơdră kơ Việt Nam - Nhật Bản ‘măng mă 7, Ƀok Kơdră Tô Lâm pơma hơdăh, Pơma nuh găh tơdrong sơđơ̆ng ăn đe Phŏ Kơdră kơ Việt Nam - Nhật Bản ‘măng mă 7 hlôi pơ jing tơdrong ‘lơ̆ng ăn dôm bơngai juăt jang găh tơdrong sơđơ̆ng, Kanh sat tơ̆ Anih tơm vei lăng Công an Việt Nam păng Anih Kanh sat tĕh đak Nhật Bản, pơma nuh rơ hău, tơ păt ‘lơ̆ng dôm tơdrong mă 2 păh tơrĕk truh.

Ƀok Kơdră Tô Lâm athei dôm anih jang kơpal găh Anih tơm vei lăng Công an Việt Nam păng Anih Kanh sat tĕh đak Nhật Bản truh âu kơnh, năng kăl, akŏm bơ̆ jang đei yoa ‘lơ̆ng hlŏh dôm tơdrong ƀơm truh tơdrong yoch mưh bơ̆ jang hơdoi đơ̆ng 2 tĕh đak roi đunh roi kơjăp ‘lơ̆ng, vei lăng ‘lơ̆ng tơdrong sơ đơ̆ng tĕh đak, sơđơ̆ng lơ̆m tơpôl, vei lăng kơjăp tơdrong đei yoa trŏ luơ̆t ăn kon pơlei, dôm anih tĕch mơdro Việt Nam păng Nhật Bản tơ̆ rim tĕh đak.