'Măng hop akŏm hlôi hơlen dôm tơchơ̆t kăp gĭt nhen: hơmet, axong jang kiơ̆ pơkăp axong jang dơnơm; tơgŭm găh tơdrong choh jang xa lơ̆m Tơdrong tơchơ̆t jang kơ teh đak găh tơjur hin dơnuh kơjăp xơđơ̆ng; xut lê̆ hơnăn dôm tơdrong axong jang kăl thu iŏk teh păng dôm tơdrong kăl tơplih teh vă pơtăm ƀa, teh bri hơmŏ vă iŏk yua tơdrong jang nai... Kiơ̆ kơ ƀok Trần Đức Quận, Ƀĭ thư Tinh uy, Kơdră Anih jang Vei lăng kon pơlei dêh char Lâm Đồng, âu jing dôm tơdrong kăp gĭt vă tơring pơtoi pơm jang đei jơnei dôm xơnong jang, tơchơ̆t hlôi tơlĕch. Adoi lơ̆m 'măng Hop akŏm, Jơnŭm jang vei lăng kon pơlei dêh char Lâm Đồng tơlĕch hơlen tơdrong pơkăp bơngai jang. Kiơ̆ kơ noh, ƀok Nguyễn Khắc Bình – Ƀĭ thư Hwên ủy, Kơdră Jơnŭm jang vei lăng kon pơlei apŭng Cát Tiên đei pôk jang Phŏ Kơdră Jơnŭm jang vei lăng kon pơlei dêh char Lâm Đồng jăl 10, jăl xơnăm 2021- 2026; ƀok Nguyễn Ngọc Phúc -  Ƀĭ thư Hwên ủy Đức Trọng đei pôk jang Phŏ kơdră Anih jang vei lăng kon pơlei dêh char Lâm Đồng.