Ƀok Tổng Ƀĭ thư tơbang tơdrong chơt hơ-iă găh tơbôl tơguăt kăp gĭt, jang hadoi tôm tơdrong Việt Nam - Lào roi năr roi hơtŏk tơ-iung kơjăp, đei jơnei lơ̆m dôm tơdrong jang, tơgop kăp gĭt vei xơđơ̆ng chĭn trĭ, xơđơ̆ng tơpôl păng hơtŏk mŭk drăm – tơpôl kơ rim teh đak. Lơ̆m khei năr truh, ƀả đảng, ƀả teh đak kăl pơtoi hơtŏk jang đei jơnei lơ̆m jang hadoi vă pơtrŏ hăm tơdrong pơkăl ‘nao, atŭm tơroi tơbăt tơbăt dih băl găn hloh tơnap tap. Ƀok Tổng Ƀĭ thư Nguyễn Phú Trọng pơkăl 2 Anih jang Trung ương Đảng pơtoi chĕp vei tơdrong juăt jue kơ po, jang atŭm kơjăp, pơma đam găh dôm tơdrong đei ƀôh, tơdrong hlôh vao, jang hadoi tơgŭm dih băl lơ̆m tơdrong tơlĕch jang đei jơnei Tơchơ̆t pơdrơ̆ng jang hadoi kơ 2 Anih jang Trung ương kơ 2 Đảng păng Tơchơ̆t pơdrơ̆ng đơ̆ng Khul Kơpal ƀả đảng, tơgop tơlĕch jang đei jơnei Tơchơ̆t Hop akŏm kơ rim Đảng.