Pơtơm 'măng hop akŏm, Ƀok Tổng Bí thư Tô Lâm ăn tơbăt, tơdrong pơm kiơ̆ Tơchơ̆t 18 khei năr âu hlôi đei iŏk dôm tơdrong jơnei mă blŭng, mă lei tơdrong hơmet jơnŭm jang tam mă drơ̆ng minh, gah jơnŭm jang chĭnh trĭ adoi oei đei lơ tăl, lơ anih jang kơpal, sơnong jang oei vă le lăi băl, tam mă hơdah, asong sơnong jang tam mă đei tơnăp.

Ƀok Tổng Bí thư ră hơdah, tơdrong tơplih 'nao pơkăp jơnŭm jang kơ anih jang chĭnh trĭ athei bot 'lơ̆ng pơm jang tơnăp, jing tơdrong kăl pơm jang dang ei; âu adoi jing sơnong jang kăp gĭt đei kang ƀô̆ đảng viên păng kon pơlei gô chang hăm tơdrong tơgŭm pran kơtang păng tŏk bŏk oei pơlan să lơ̆m tơpôl.