‘Măng năm tơmang ou tôch gĭt kăl, jĭ hơyak hơdăh trong bơ̆ jang tơbôl kơ Hop akŏm tih Đảng ‘măng mă XIII, tơgop pơm pơtrŭt kơtang tơgoăt tơgoăl ƀar păh rim teh đak lơ̆m khul  ASEAN, tơbăt hơdăh trong jang tơbôl gĭt kăl đơ̆ng Việt Nam yom kơtang tơgoăt tơgoăl dih băl ‘lơ̆ng hơ iă păng jang hơdoi gĭt kăl hăm Malaysia. Jô̆ đơ̆ng ƀar teh đak pơm hơtŏk Tơgoăt tơgoăl gĭt kăl lơ̆m sơnăm 2015, tĕch mơdro dih băl ƀar păh iŏk đei hloh 8 ti USD lơ̆m sơnăm 2014 tok truh 14 ti USD lơ̆m sơnăm 2022 păng lăng truh tĕch mơdro dih băl iŏk đei 18 ti USD khei năr ou kơnh. ‘Măng năm tơmang ou đei pơgơ̆r hơdrol kơ ‘măng pơgơ̆r tơbăt 10 sơnăm tơgoăt tơgoăl Jang hơdoi gĭt kăl, Tổng Bí thư Tô Lâm jei gô vang atŭm hăm rim kơdră kơoal Malaysia pơma dơnuh găh tơdrong lơ̆m apŭng plĕnh teh, tơring, pơma dơnuh kơtang, sơkơ̆t hơdăh trong jang tih tên pơtrŭt tơgoăt tơgoăl ƀar teh đak tŏk kơtang hloh dơ̆ng, sơđơ̆ng, tơpă lơ̆m khei năr ou kơnh.