Tơdrong jang 4 đei akŏp kơ jung hloh 58km, akŏp jên pơm 12 rơbâu ti hlak jên. Iŏk đơ̆ng tơlĕch jang tơdrong jang truh dang ei đĭ tơlĕch jên jang hloh 2.745 ti hlak jên. Hơdrô̆ trong tơlĕch jên sơnăm 2024 ‘noh hloh 2.322 ti hlak jên. Hrei ‘nâu hlôi jang đang tơdrong pơjao teh pơm trong. Lơ̆m khei ‘năr âu ki, dêh char Sóc Trăng hlôi athei dôm bơngai iŏk jang akŏm tơlĕch jang kơtang vei sơđơ̆ng jang hrĕnh dôm tơdrong jang.

Mă loi ‘noh dêh char hlôi tơlĕch ‘măng pơjei băl gĭt kăl “15 măng năr tŭn hrĕnh tơdrong jang 4 găh tơdrong jang tơmơ̆t jên jang ming man trong gre kơdâu hrĕnh Châu Đốc - Cần Thơ - Sóc Trăng jăl jang 1”. Khŭl vei lăng tơdrong jang 2 hlôi athei anih jang iŏk jang hơtŏk loi dơ̆ng bơngai jang, tơmam pơgơ̆r bơ̆jang kiơ̆ “3 ‘măng 4 grŭp lơ̆m 1 năr” bơ̆jang hloi năr lêh, têt vă vei sơđơ̆ng tơdrong jang iŏk đei dôm khei ‘năr kiơ̆ athei.