Lăp đơ̆ng rŏng pơgơ̆r pơm lêh sơng, Thủ tướng Teh đak Phạm Minh Chính hăm Ƀok kơdră tơm Luis Abinader Corona atŭm hăm Kơdră tang măt ƀar teh đak hlôi pơgơ̆r pơma đam. Tơ̆ pơma đam, ƀar păh drơ̆ng mĭnh nơ̆r kăl pơtrut kơtang hlŏh dơ̆ng ăn khul kơdră năm ngôi dih băl ‘moi kiơ̆ rim khul jang Đảng, Khul kơdră teh đak, Kuô̆k hô̆i, jang hơdoi tơring păng kon pơlei năm ngôi dih băl vă hơmet pơ ‘lơ̆ng trong jang chinh tri, atok kơtang hlôh vao dih băl, pơjing hơyak pran ăn pơih să păng atŏk iŏk đei jơnei tơgoăt tơgoăl jang hơdoi dih băl. Chă pơma dơnuh găh tơdrong lơ̆m tơring păng apŭng plĕnh teh vang lăng truh, ƀar păh drơ̆ng mĭnh nơ̆r tơgŭm djru tơdrong xek tơlang rim tơdrong ưh kơ lăp dih băl, tơgar dih băl lơm apŭng plĕnh teh hăm rim trong rơngei hiôk hian, pơm kiơ̆ khôi luơ̆t apŭng plĕnh teh, mă kăl Tơdrong tơchơ̆t Liên hợp quốc păng Tơdrong pơkăp Liên hợp quốc găh khôi luơ̆t đak dơsĭ 1982.