Pơgê (21/11), sơng iŏk nơ̆r krao hơvơn đơ̆ng Thủ tướng Malaysia, Tổng Bí Tô Lâm păng hơkăn ƀok kŭm hăm Khul tang măt ăn teh đak bơ̆n truh tơ̆ anih tơm Kuala Lumpur, pơtơm năm hơpong tơ̆ teh đak Malaysia. Đơ̆ng rŏng kơ lêh sơng đei pơgơ̆r tih tơ̆ Anih jang kơ Thủ tướng Malaysia tơ̆ Kuala Lumpua, Tổng Bí thư Tô Lâm hlôi pơma đam hăm Thủ tướng Malaysia.

Tơ̆ jơ pơma đam, 2 ‘nu kơdră chĕp kơ̆l roi tơbăt ăn băl rim tơdrong tơ̆ teh đak kơdih, pơma nuh hơlen găh dôm trong jang vă hơtŏk hlŏh dơ̆ng tơdrong jang hơdoi đơ̆ng 2 teh đak lơ̆m rim tơdrong roi đunh roi pran ‘lơ̆ng păng roi đei yoa ƀiơ̆ tơ̆ hơnăp kơnh. Việt Nam hơpơi ‘mĕh kŭm hăm Malaysia hơnhăk tơdrong pơvei lui băl păng jang hơdoi đei yoa ‘lơ̆ng đơ̆ng 2 teh đak mât lơ̆m chăl ‘nao ‘lơ̆ng hlŏh dơ̆ng, đei yoa hlŏh dơ̆ng, pơm lăp hăm dôm tơdrong ‘mĕh vă jang tŏk đơ̆ng 2 teh đak lơ̆m chăl ‘nao; bơ̆ jang roi tơnăp kŭm hăm Malaysia păng dôm teh đak ASEAN pơjing Tơpôl ASEAN mât 1 ƀơ̆r đon, pran kơtang.