Kiơ̆ đơ̆ng noh, gô tơgŭm 2 teh đak pơtoi hơtŏk jang tơbôl, lui ngeh gah chĭnh trĭ kơ 2 teh đak kiơ̆ tơdrong tơgĭt khôi luơ̆t apŭng plenh teh, rơngei hiôk hian pơgơ̆r kơdih tôm tơring teh păng trong jang chĭnh trĭ, trŏ hăm tơdrong jang mŭk drăm – tơpôl păng khôi luơ̆t pơkăp kơ rim teh đak păng tơchơ̆t ưh kơ đei tơkan lơ̆m tơdrong jang kơdih băl.

Tơdrong tơm kơ tơchơ̆t Jang hadoi tôm tơdrong đei hơtŏk lui ngeh păng jang hadoi gah chĭnh trĭ, vei sơđơ̆ng tơpôl, pơjing tơdrong jang tơbôl kơjăp sơđơ̆ng ăn hơtŏk tơ-iung kiơ̆ đơ̆ng akŏm pơma đam khul kơpal, akŏm tôm jăl jang, dôm kênh; tơlĕch jang tơnăp tơchơ̆t pơma đam jang hadoi hlôi đei, atŭm hăm noh hơlen chih akŏm dôm trong jang 'nao trŏ ƀlep hăm tơdrong pơyua ăn kơ rim pah lơ̆m chăl tơlĕch jang 'nao.