Kơdră chĕp pơgơ̆r Kuô̆k hô̆i Trần Thanh Mẫn

‘Măng năm tơmang sơkơ̆t hơdăh trong jang tơbôl kơ Việt Nam, lơ̆m ou lăng kăl ăn tơgoăt tơgoăl Việt Nam - Campuchia, adoi tơbăt hơdăh jing teh đak jang hơdoi tơnăp, kơtang lơ̆m bơ̆ jang apŭng plĕnh teh. ‘Măng năm tơmang đơ̆ng Kơdră chĕp pơgơ̆r Kuô̆k hô̆i Trần Thanh Mẫn gô tơgop hơmet pơ ‘lơ̆ng lui yom dih băl păng pơm kơtang hloh dơ̆ng tơgoăt tơgoăl ƀar teh đak, pơtrŭt kơtang jang hơdoi ƀar păh Kuô̆k hô̆i bơ̆n hăm Kuô̆k hô̆i păng Thượng viện Campuchia, hơnơ̆ng hơnhăk tơgoăt tơgoăl Việt Nam - Campuchia yak mơ̆t lơ̆m chăl atŏk tơ iung ‘nao, pơjing đei hơyak pran ăn tơgoăt tơgoăl jang hơdoi mŭk drăm, atŏk kơtang tơgoăt tơgoăl ƀar păh ƀar teh đak lơ̆m khei năr kơnh.