Lơ̆m pơkăp jang hơlen hơtŏk jang găh mŭk drăm ăh kơmăng, tơ̆ anăp, Đà Lạt gô akŏm iŏk jang anih pơkăp cham pơchơt pơdreh tơdra tơ̆ đak ăh Pơgar pơkao pơlei tơm, pơgơ̆r pơdơh joh ayŏ kơdŏ xuang rim kơmăng păng pơjing dôm anih tĕch tơmam drăm kăp gĭt vă 'măn tơmang lăng, tĕch răt tơ̆ tơring tơm. Atŭm hăm noh, pơjing jăl trong akŏm tơmam xa, jăl trong yak ăh kơmăng tơ̆ minh ƀar jăl trong păng tơring Cham pơhiơ̆ Lâm Viên. Rim tơdrong jang hơlen adoi đei anih kăp gĭt adoi nhen pơgơ̆r lơ tơdrong akŏm, lơ tơmam drăm vă tơlĕch pơchơt pơhiơ̆, tĕch răt tơmam drăm xa ăh kơmăng ăn tơmoi. Lơ̆m jăl xơnăm 2023-2030, Đà Lạt gô tơlĕch dôm anih pơkăp yak jơ̆ng, pơgơ̆r dôm tơdrong jang joh ayŏ kơdŏ xuang kiơ̆ trong 'nao, 'lơ̆ng hơ-iă, pơjing anih mŭk drăm ặ kơmăng đei dôm tơdrong pơchơt pơhiơ̆, anih tơm akŏm lơ tơdrong kăp gĭt.