Đơ̆ng rŏng 1 sơnăm hơmet roi tŏk ‘lơ̆ng găh anih dơ̆ng ƀơm truh tơdrong ‘nâu, kơdră chĕp kơ̆l dêh char athei dôm anih jang, khul grŭp tơpôl lơ̆m dêh char hơnơ̆ng bơ̆ jang mă đei yoa ƀiơ̆, tơtom sek tơlang dôm tơdrong tơhlăk, pơm tơtŏ đon kon pơlei păng vang yak hơdoi hăm anih tĕch mơdro.

Kiơ̆ nơ̆r roi tơbăt găh tơdrong hơmet trong pơm hla ar vei lăng sơnăm 2021 đơ̆ng dôm dêh char, plt găh Trung ương yoa Anih tơm jang Nô̆i vŭ tơlĕch ‘nŏh Dak Lak dơ̆ng mă 36/63 dêh char, plt, tŏk 3,3 điêm păng 9 ƀơ̆k pơtêng hăm sơnăm 2020.  Sơnăm 2023, Dak Lak adrin jang tŏk đơ̆ng 5-7 ƀơ̆k lơ̆m kơƀang pơrĕng găh hơmet ming trong pơm hla ar păng tơlĕch đon pơhnŏng klĕp truh sơnăm 2025, gô mât dơ̆ng lơ̆m grŭp 20/63 dêh char, plt.