Năr huch đĕch cheh phe pơgơ̆r ƀlep năr pơgơ̆r Lêh cheh phe Buôn Ma Thuột ‘măng mă 8, sơnăm 2023. Dôm hơnih mơdro pơvih pơvăn đĕch tă kơ đei hơtol che chih chư vă lăng băt. Dôm hơnih mơdro ưh kơ asong kơ phiê̆u, kon pơlei păng tơmoi năm tơ̆ hơnih mơdro tă kơ đei huch đĕch cheh phe ngăl. Kiơ̆ kơ sô̆ chih jô̆ đơ̆ng Anih vei lăng găh kơmăy kơmŏk mơdro sa, đei 472 hơnih mơdro huch cheh phe lơ̆m dêh char chih măt vang hơvơn tơmoi huch đĕch cheh phe lơ̆m ‘năr 10/3.

Lơ̆m noh tơ̆ pơlei tơm Buôn Ma Thuột đei 352 hơnih mơdro pơvih pơvăn kơtă anih păng 13 hơnih mơdro tĕch tơ̆ trong Phan Đình Giót, phường Tân Tiến.

Kŭm hăm pơvih pơvăn đĕch mưh huch cheh phe lơ̆m ‘năr 10/3, dang ei đei hloh 50 hơnih mơdro gô pơm tơdrong hiôk ăn kon pơlei păng tơmoi huch đĕch cheh phe đơ̆ng 2 - 5 năr lơ̆m jơnăr pơgơ̆r Lêh.