Hăm hơnăn “Hơdruh tơdăm yuk hơlâu lơ̆m tơplih sô̆”, Khei hơdruh tơdăm xơnăm âu kơ đe mơlôh Đăk Lăk gô tơlĕch 10 tơdrong jang tơ̆ dêh char, akŏm lơ̆m minh ƀar tơdrong nhen: Pơm kiơ̆ Tơdrong jang hơdruh tơdăm pơkăp kơsô̆ Anih gru grua păng anih tơmang pơhiơ̆; Pơgơ̆r Hop akŏm “Xơnăm mơlôh Đăk Lăk hăm xơnong jang hơtŏk pơ-'lơ̆ng hloh joh ayŏ lơ̆m chăl jang kiơ̆ pơkăp kơsô̆”; Tơlĕch Tơdrong pơlong jang gơh rơgei ăn đoan viên, hơdruh tơdăm dêh char Đăk Lăk 'măng mă 1; Tơjrâ̆m, pơma dơnuh đơ̆ng khul kơdră kơpal dêh char păng dôm rim anih jang găh tơdrong jang hơdruh tơdăm 'nâu nai hia. Kiơ̆ đơ̆ng noh pơm tơlĕch 12 tơdrong tơchơ̆t kăp gĭt kiơ̆ pơtho, pơgơ̆r đơ̆ng Đoan tơ̆ kơpal. Pơmai H'Giang Niê, Ƀĭ thư Anih jang Đoan dêh char Đăk Lăk ăn tơbăt: tơdrong jang tơplih sô̆ jing xơnong jang dơnơm đei đe mơlôh Đăk Lăk akŏm pơm jang lơ̆m khei hơdruh tơdăm xơnăm âu.