Hnam kơmăy pơm tơmam xa đơ̆ng plei ‘long tĕch tơ̆ tĕh đak đe Chánh Thu Dak Lak đei kơsư̆k 70.000 tân tơmam 1 sơnăm, hăm kơsô̆ jên tơmât jang hlŏh 476 ti. Khei ‘năr man păng man đang lơ̆m dang 18 khei. Mưh tơmât yoa, hnam kơmăy vă akŏm jơhngâm răt iŏk, tăh lơ̆m tơpu rim kơloăi plei ‘long nhen: Sâu riêng, chanh dây, ƀum yoăn, prit, guga, pơ ŏ… vă tĕch tơ̆ tĕh đak Trung Quốc, Nhật Bản, Mi, Úc.

Kiơ̆ ƀok Hoàng Trung, Kơdră Anih vei lăng ‘long pơtăm, Anih tơm vẻi lăng choh jang xa păng atŏk tơiung tơring tơrang, hăm tơdrong ‘lơ̆ng găh choh jang xa đơ̆ng dêh char Dak Lak, mưh Hnam kơmăy pơm tơmam xa đơ̆ng plei ‘long tĕch tơ̆ tĕh đak đe Chánh Thu Dak Lak đei tơmât yoa gô tơgop pơm hơtŏk kơjă tơmam đơ̆ng choh jang xa kŭm nhen chă tơdrong jang ăn bơngai oei xa tơ̆ tơring.