Đăk Lăk tơroi đei tơdrong pơm glăi luơ̆t tơrĕk truh kơmlăi đôh
Thứ bảy, 08:57, 21/12/2024
Lan chih tơblơ̆
Lan chih tơblơ̆
VOV4.Bahnar – Kơsơ̆ năr 20/12, Kŏng an dêh char Đăk Lăk pơgơ̆r Hop akŏm trư̆k tuyê̆n hăm dôm apŭng, pơlei tơm lơ̆m dêh char vă sơkơ̆t hơdah tơdrong đei, trong jang tang găn păng tơjră pơm glăi luơ̆t pơkăp, sar bar tơrĕk truh kơmlăi đôh hăm đe hŏk tro.
Kiơ̆ tơroi đơ̆ng hop akŏm, lơ̆m giĕng âu tơ̆ Đăk Lăk hlôi đei 12 'măng sar bar, 57 'nu hŏk tro pơm kơmlăi, lơ hŏk tro rơka. Anih jang kơpal hlôi thu iŏk hloh 27 kĭ hoă chơ̆t yua vă pơm kơmlăi, jê̆ 300 tŏ kơmlăi pơm kơdih. Tơrĕk hloh lơ tơdrong pơm tơlĕch kơmlăi đei lơ hŏk tro vang akŏm păng hlôi đei tơdrong sar bar jĭ kơ đon kơyuơ đơ̆ng kơmlăi đôh.
Anih jang kŏng an hlôi tơlĕch hơlen kơjăp vă tang găn tơdrong tĕch răt hoă chơ̆t vă pơm kơmlăi lơ̆m khul mơlôh mă kăl noh hăm đe hŏk tro; tơguăt hăm chă tơroi hơvơn kon pơlei, mă hăt noh đe mĕ ƀă hŏk tro athei hơtŏk tơdrong pơm kiơ̆ ƀlep luơ̆t pơkăp gah vei lăng, pơm tơlĕch, chơ pơdŭ, iŏk yua kơmlăi.
Viết bình luận