Lơ̆m tơdrong pơlong hăt hot kơ đe drăkăn jâ̆p teh đak xơng kơkuh tơbăt 1983 xơnăm tơdrong iung tơjră đơ̆ng bre yă Hai Bà Trưng, 113 xơnăm 'năr Đe Drăkăn apŭng plenh teh năr 8/3, pơgê năr 8/3. Ƀok Thượng tướng Nguyễn Trọng Nghĩa, Kơdră Anih jang Twên yăo Trung ương truh akŏm păng pơgơ̆r lêh tơbăt. Pơma ăh Lêh tơbăt, ƀok Thượng tướng Lê Huy Vịnh, Thư̆ trương Anih tơm jang găh Khul linh vei lăng teh đak tang măt ăn Anih jang Linh Trung ương, Kơdră kơ Anih tơm jang găh Khul linh vei lăng teh đak ră hơdăh, dôm xơnăm truh, tơdrong rơngei, jang hadoi păng hơtŏk tơ-iung duh oei jing trong jang tih, chŏng mă tơpôl apŭng plenh teh păng lơ̆m tơring đei ƀôh tơxŭl tơxăl tơnap kơ hơlen. Ƀok Thượng tương Lê Huy Vịnh ăn tơbăt, tơdrong đei tơlĕch dôm tơdrong pơkăl roi năr roi kơjung hăm xơnong pơ-'lơ̆ng Khul linh, hơmet pơ-'lơ̆ng tơdrong jang vei lăng teh đak.