Sơnăm 2023, tơmam drăm mă Đăk Lăk tĕch tơlĕch truh tơring châu Âu đei yua jê̆ 1,5 tih đôlar; sơnăm 2024 tŏk hloh 1,88 tih đôlar. Kiơ̆ rim bơngai juăt jang, EVFTA pơih trong hiôk tih tên hăm dôm tơmam drăm dơnơm nhen kaphê, tiu, plei 'long xa, đak sut... gơh tĕch truh tơring tĕch răt hiôk hian ou.

Pơma đam sơkơ̆t hơdah, đei lơ nơ̆r tơgop gah pơjing trong jang kơjăp sơđơ̆ng, jing tơdrong kăp gĭt đei tơchơ̆t tơ̆ châu Âu, ưh hơdrô̆ lơ̆m pơm jang mă oei gah bơngai jang hơtŏ hơnơ̆ng, vei rơgoh cham char, sơnong tơnăp hăm tơpôl. Dêh char Đăk Lăk sơkơ̆t hơdah EVFTA jĭ tơdrong tơm vă hơmet tơdrong choh jang xa kiơ̆ trong 'nao hơgei, hơdah 'lơ̆ng păng gô pơjing anih tơm tơgŭm gah kih thuơ̆t pơm jang EVFTA vă yak hadoi atŭm hăm anih jang mŭk drăm tơ̆ tơring.