Tơdrong vă jang trong gre rĕnh Quy Nhơn - Pleiku, đei Khul kơdră chĕp pơgơ̆r Teh đak pơtruh ăn Kuô̆k hô̆i kĭ tơchơ̆t trong tơmơ̆t jên jang, hơmŏ pơih đei trong ‘lơ̆ng atŏk tơ iung mŭk drăm-tơpôl ‘nao ăn rim tơring lơ̆m Tây Nguyên păng Duyên hải Nam Trung Bộ.  Tơdrong vă jang trong gre rĕnh Quy Nhơn - Pleiku đei trong hơtăih kơjung dang 125km, iŏk đơ̆ng Trong glung 19B, kơ̆l trong đơ̆ng thĭ xah An Nhơn, dêh char Bình Định păng pơtôch tơ̆ trong gre Hồ Chí Minh tơ̆ pơlei tơm Pleiku, dêh char Gia Lai. Akŏp kon jên tơmơ̆t jang hloh 43.500 ti hlak jên; tơchĕng hơlou gô iung jang ming man lơ̆m sơnăm ou, keh đang lơ̆m sơnăm 2029. Tơdrong vă jang Trong gre rĕnh Quy Nhơn-Pleiku đei hơmŏ hơnhăk đei lơ tơdrong tơplih hơ iă păng atŏk kơtang tơgoăt tơgoăl tơring. Kon pơlei Gia Lai, rim hơnih jang gre chơ tơmam drăm păng kơdră tơring jei tơbăt jơhngơ̆m đon hơpơi ‘meh vă Kuô̆k hô̆i hrôih pơdrơ̆ng kiơ̆ trong vă jang tơmơ̆t jên jang tơdrong jang ou vă tơdrong vă jang ou tơlĕch jang ƀlep jơ ‘năr pơkăp, trŏ lăp hăm tơdrong hơmŏ atŏk tơ iung mŭk drăm-tơpôl kơ tơring Tây Nguyên păng Duyên hải Nam Trung Bộ.