Hlôi chă ƀôh hơkâu gre păr Yak-130 huăng lơ̆m Pơgar Yok Đôn
Thứ bảy, 06:00, 09/11/2024
Lan chih tơblơ̆
Lan chih tơblơ̆
VOV4.Bahnar - Kơsơ̆ năr 8/11, rim khul jang kơpal kơ dêh char Đak Lăk hlôi sơkơ̆t băt đei anih mă gre păr YAK-130 huăng ah Tơring 428 (ah hơnê̆ Anih jang vei lăng bri Drang Phôk păng Anih vei lăng bri kơsô̆ 9), Pơgar Yok Đôn, dêh char Đak Lăk.
Hơdrol kơ noh, lơ̆m năr 7 păng năr 8/11, Anih tơm Pơgơ̆r Khul linh Đak Lăk hlôi pơgơ̆r Kơđông ƀô đô̆i vei sơlam teh apŭng Buôn Đôn jang atŭm hăm Anih pơgơ̆r linh dêh char Đak Lăk, Hnam trưng Sih kuan Linh gre păr, Trung đoan linh gre păr 940 akŏm khul jang, kơmăi kơmŏk vă chơ chă gre păr Yak-130 ƀơm sar bar.
Teh tơ̆ tơring sơlam Ea Bung, apŭng Ea Sup păng tơring teh kơ pơgar Yok Đôn, dêh char Đak Lăk jĭ hơnih mă gre păr Yak -130 kơ Trung đoan Khul linh gre păr 940 đei băt mă hơtuch luch hơdrol kơ păt hiong. Đơ̆ng rŏng 2 năr chơ chă, khul jang hlôi băt hơdah anih mă gre păr YAK-130 huăng tơjê̆ anih jang vei lăng bri kơ anih jang vei bri kơsô̆ 9 kơ Pơgar bri Yok Đôn.
Viết bình luận