Đơ̆ng rŏng hloh 2 khei pơtơm jang, hlôi đei jê̆ 1.000 ƀai pơlong đơ̆ng lơ ngê̆ sih, kan ƀô̆, khul linh tơ̆ dôm kơđông linh vei sơlam teh, lơ̆m Anih tơm Pơgơ̆r khul linh păng rim hnam trưng hŏk lơ̆m dêh char pơtruh pơlong. Kiơ̆ Jơnŭm pơgơ̆r pơlong, dôm ƀai pơlong noh 'lơ̆ng, tơbang đei tôm um ai bơngai linh vei sơlam teh măng năr ti chĕp phao vei lăng tơkăng teh đak, vei sơđơ̆ng tơpôl tơring sơlam, atŭm hăm noh jĭ dôm bơngai kon tơguăt kơjăp hăm kon pơlei kon kông.

Hloh kơ jê̆ 1.000 tak phâm pơtruh pơlong đơ̆ng lơ bơngai chih hơgei lơ̆m dêh char, oh Dương Thị Hải Như, hŏk tro lăm 8G, Hnam trưng THCS Trưng Vương (pơlei tơm Buôn Ma Thuột), hlôi đei iŏk hơpah mă Mônh kơ tơdrong pơlong hăm tak phâm hơnăn “ 'Mêm kơ-eng pơtruh plei nuih hăm tơring sơlam kơ kon”.