Tơ̆ hop akŏm tơlĕch jang dôm tơdrong tơchơ̆t găh tơdrong jang kang ƀô̆, Anih vei lăng kon pơlei dêh char Gia Lai hlôi roi tơbăt hơdăh dôm tơdrong tơchơ̆t; pôk hơtŏk ƀok Vũ Tiến Anh pơm Kơdră Pơvih ăn Anih vei lăng kon pơlei dêh char; pôk hơtŏk ƀok  Đỗ Việt Hưng pơm Kơdră Anih tơlĕch nơ̆r sơkơ̆t păng tơmơ̆t jên jang; păng ăn ƀok Nguyễn Quảng Hà pơm Phŏ Kơdră Anih tơlĕch nơ̆r sơkơ̆t păng tơmơ̆t jên jang dêh char Gia Lai.

Ƀok Đỗ Việt Hưng, Phŏ Bí thư Anih jang Đảng pơlei tơm, Kơdră Anih vei lăng kon pơlei pơlei tơm Pleiku, đei pơdơh kơ pơm dôm kơchư̆k jang lơ̆m Khŭl chĕp kơ̆l pơgơ̆r Đảng bộ păng Khŭl chĕp kơ̆l pơgơ̆r Anih jang Đảng pơlei tơm, pơdơh pơm Phŏ Bí thư Anih jang Đảng pơlei tơm păng năm jang tơ̆ Anih tơlĕch nơ̆r sơkơ̆t păng tơmơ̆t jên jang Gia Lai. Ƀok Đoàn Hữu Dũng, Kơdră Anih vei lăng Trong nơnăm gre kơdâu, đei ăn vang jang lơ̆m Khŭl chĕp kơ̆l pơgơ̆r Đảng bộ pơlei tơm Pleiku, pơm Phŏ Bí thư Anih jang Đảng pơlei tơm jăl jang 2020-2025, hơdai hăm đei roi tơƀôh vă Jơnŭm pơgơ̆r kon pơlei pơlei tơm Pleiku pôk pơm Kơdră Anih vei lăng kon pơlei pơlei tơm Pleiku jăl jang 2021-2026.