Tang măt Kơdră chĕp pơgơ̆r Kuô̆k hô̆i, iung pơma tơ̆ Hop akŏm, Kơ iĕng kơdră chĕp pơgơ̆r Kuô̆k hô̆i Trần Thanh Mẫn akhan, khei năr au ki, Kuôk hô̆i Việt Nam hơnơ̆ng tơplĭh ‘nao, hơbĕch hơbal păng iung jang, kiơ̆ yok rok jơ̆ng hơnăp jang, “jơhngơ̆m pran ‘lơ̆ng” kơ jang tơbôl nghĭ viên, tơgop jơnei lơ̆m jang kiơ̆ trong bơ̆ jang tơbôl kơdih, pơm tơm kơdih, rơngei hiôk hian, tơgoăt tơgoăl, lơpang, atŏk kơtang um rup, hơnih dơ̆ng kơ Việt Nam lơ̆m apŭng plĕnh teh kơ Đảng păng Teh đak bơ̆n.

Lơ̆m khei năr kơnh, Kuô̆k hô̆i gô hơnơ̆ng tơlĕch jang kiơ̆ rim trong bơ̆ jang tih tên đơ̆ng Đảng găh kiơ̆ yok rok jơ̆ng hơnăp jang pơm jŭk kơ jang tơbôl, tơ iung pơjing tơdrong jang tơbôl tôm tong, gơh hơgei hăm 3 tơdrong jang tơm ‘noh jang tơbôl Đảng, jang tơbôl Teh đak păng jang tơbôl kon pơlei, lơ̆m au lăng jăp, hơnih dơ̆ng, hơnăp jang tơbôl Kuô̆k hô̆i lơ̆m pơđĭ trong bơ̆ jang tơbôl kơ Việt Nam.