Mĭnh lơ̆m dôm tơdrong kăl mă Hơnih bơ̆ jang kơ Kuô̆k hô̆i ăn tơgop nơ̆r lơ̆m pơgê năr 13/2 ‘nŏh tơdrong pơjao tơdrong jang păng kon jên jang ăn tơdrong jang lơ̆m Tơdrong jang hơmet pơ ‘lơ̆ng păng atŏk tơ iung muk drăm-tơpôl ‘măng mă 2. Kiơ̆ kơ ‘nŏh, kon jên jang uơ oei kơ Tơdrong jang tim mă klăh asong, pơjao ăn rim hơnih tơm, hơnih bơ̆ jang Trung ương păng tơring ‘noh 28.862 ti hlak jên.

Hăm 129 tơdrong jang hăm kon jên tơmơ̆t jang ‘noh 14.710 ti hlak jên hlôi pơm hla bơar tôm tơmơ̆t jên jang kiơ̆ tơchơ̆t, đei tôm rơvơn vă pơjao ăn kon jên jang kơ Tơdrong jang vă Thủ tướng Teh đak klăh asong kon jên jang, Hơnih bơ̆ jang kơ Trung ương athei Khul kơdră teh đak dăr lăng mă hơlen găh jơ ‘năr jang keh đang rim tơdrong vă jang; tĕnh koăng pơjao kon jên jang, klăh asong kon jên jang ăn rim tơdrong vă jang hơdăh, atŏk kơtang tơlĕch jang kiơ̆.