Iung pơma tơ̆ hop akŏm, Kơdră chĕp pơgơ̆r Kuô̆k hô̆i Vương Đình Huệ hôn bơnê kơtang dôm tơdrong tơgop đơ̆ng MTTQ Việt Nam păng rim hơnih bơ̆ jang găh au lơ̆m iŏk đei jơnei tôm tong kơ teh đak lơ̆m sơnăm 2022.

Kơdră chĕp pơgơ̆r Kuô̆k hô̆i ‘meh vă sơnăm 2023, ƀar hơnih bơ̆ jang au hơnơ̆ng atŏk kơtang jang hơdoi ‘lơ̆ng hloh dơ̆ng tơgoăt tơgoăl hơdrĕch hơdrung, jang kiơ̆ ‘lơ̆ng hơtŏ hơnơ̆ng lơ̆m tơpôl, kiơ̆ yok rok jơ̆ng dôm trong jang hơ iă kơ kon pơlei vă atŏk kơtang iung jang hơmet pơ ‘lơ̆ng, atŏk tơ iung mŭk drăm-tơpôl. Ƀar păh kăl lăng kơjăp lơ̆m tơplih ‘nao păng atŏk jơnei hơ iă găh bơ̆ jang pơrô̆ pơrôp, tơplih ‘nao trong jang, bơ̆ jang chă pơrô̆ pơrôp, pơtho khan trŏ ƀlep yan au, trŏ ƀlep hăm khul bơngai.