Hơnih chĕp pơgơ̆r 35 Trung ương pơgơ̆r Hop akoưm pơtôch jang 6 khei blŭng sơnăm 2025
Thứ năm, 10:57, 03/07/2025 VOV/Amazưt tơblơ̆ VOV/Amazưt tơblơ̆
VOV4. Bahnar - Kơsơ̆ năr 2/7, tơ̆ Hà Nội, Hơnih chĕp pơgơ̆r 35 Trung ương pơgơ̆r Hop akom pơtôch jang 6 khei blŭng sơnăm păng tơlĕch tơdrong jang kăl lơ̆m 6 khei hơtuch sơnăm 2025.

 

Tơ̆ Hop akŏm, rim kơdră tang măt akŏm hơlen hơdăh bơ̆ jang pơtho tơbăt vei lăng trong bơ̆ jang jơhngơ̆m đon kơ Đảng; tơdrong jang iŏk đei jơnei kơtang lơ̆m băt hơdăh tang găn hơlou, iung tơjră tơblang hơdăh, tang găn, hơmet pơ ‘lơ̆ng kơtơ̆ng ang pơma hơlĕnh pơdăr, mă kăl iung tơjră hăm rim hơnih mơdro sa teh đak đe athei xut hŭt hloi dôm nơ̆r pơma glăi; tơlĕch trong bơ̆ jang hơmet pơ ‘lơ̆ng, iung jang kơtang dăr lăng đei ƀôh, tơchă băt bơngai pơm glăi, dôm tơdrong pơm glăi păng trong iung jang xek tơlang hơmet pơ ‘lơ̆ng; Trong pơprŏ jang kơ Hơnih chĕp pơgơ̆r 35 Trung ương lơ̆m khei năr hle. Pơma pơtôch hop akom, Kơdră chĕp pơgơ̆r Ban Bí thư, Kơdră Hơnih Chĕp pơgơ̆r 35 Trung ương Trần Cẩm Tú pơma hơdăh, đơ̆ng dang ei truh đĭ sơnăm ‘noh pơđĭ lơ̆m Đảng, lơ̆m Ƀô̆ đô̆i kŏng ang, pơđĭ kon pơlei kơrŭn đĭ ai pơting dih băl jang kiơ̆ keh đang Tơdrong tơchơ̆t Hop akŏm tih mă 13 kơ Đảng păng rim trong jang kăl kơ Trung ương, pơgơ̆r Hop akom tih Đang ƀô̆ rim hơnih yak truh Hop akom tih kơdră tang măt lơ̆m teh đak ‘măng mă 14 kơ Đảng. 

VOV/Amazưt tơblơ̆

Viết bình luận

TIN CÙNG CHUYÊN MỤC

Video