Lăng truh tơbăt 75 sơnăm Năr Kơdră chĕp pơgơ̆r 75 sơnăm Năr Kơdră chĕp pơgơ̆r Teh đak Hồ Chí Minh pơma tơbăt 6 tơdrong Ƀok Hô pơtho ăn Kŏng ang kon pơlei, kơsơ̆ năr 6/3, tơ̆ Hà Nôị, Hơnih tơm Kŏng ang pơgơ̆r pơm lêh pơtôch ‘măng pơlong păng pơgơ̆r blŭng a pơdă ‘măng pơlong chhơ̆ rup pơrô̆ pơrôp “Tơ iung pơjing jơhngơ̆m đon bơngai kŏng ang kon pơlei nuih mơng, gơ̆h găt băt ‘mêm kơ eng kơ yuơ kon pơlei iung jang”.  

Đơ̆ng rong 3 khei tơlĕch jang, Khul pơgơ̆r hlôi sơng iok đei hloh 1.000 hlak rup vang pơlong đơ̆ng 500 ‘nu bơngai chhơ̆.

Rim rup vang pơlong tơbăt hodăh dôm tơdrong: Kiơ̆ yok dôm tơdrong joăt joe ‘lơ̆ng liĕm, Kŏng ang Kon pơlei pơm jŭk yŭk trong hơlau tơ iung pơjing Đảng, tơ iung pơjing khul rơgoh ‘lơ̆ng, pran kơtang, jang kiơ̆ 6 tơdrong Ƀok Ho pơtho yak hloh 75 sơnăm. Pôk pơ ư tơdrong hiong răm păng dôm tơdrong tơgop đơ̆ng rim jơhnơr kang ƀô̆, bơngai jang lơ̆m bơ̆ jang vei lăng sơđơ̆ng teh đak păng sơđơ̆ng dơ̆ng kơjăp tơpôl. Lơ̆m au đei lơ rup chhơ̆ um rup bơngai Kŏng ang năm bơ̆ jang tơ̆ tơring, tơgop vei lăng sơđơ̆ng, atŏk jơhngơ̆m đon jang ‘lơ̆ng kơ yuơ teh đak ưh kơ hli, kơ yuơ kon pơlei năm iung jang. Pơtôch ‘măng pơlong, Khul châm hlôi rơ̆ih đei 5 tơmam hơpăh A, 10 tơmam hơpăh B, 15 tơmam hơpăh C păng 20 tơmam hơpăh pơchhơp jơhngơ̆m.