Tơ̆ hop akŏm âu, 2 păh roi tơbăt păng pơma nuh găh 1,2 tơdrong jơnei iŏk đei jô̆ đơ̆ng Hop akŏm ƀok Kơdră chĕp kơ̆l anih jang ‘măng mă 17 tơ̆ Hà Nội teh đak Việt Nam, đơ̆ng khei 8/2023 truh dang ei, đei: tơdrong pơjing Tơdrong pơvei jang hơdoi mŭk drăm rơgŏh ‘lơ̆ng păng Mŭk drăm kơsô̆; tơdrong iŏk đei đơ̆ng jang hơdoi găh pơchĕh ‘nao rơgei.

Kiơ̆ đơ̆ng Hop akŏm ƀok Kơdră chĕp kơ̆l Anih jang găh tơguăt mŭk drăm Việt Nam - Singapore ‘măng mă 18, Việt Nam hlôi tơƀôh hơdăh đon tơchĕng păng tơdrong tơtăm mưh jang hơdoi găh mŭk drăm hăm teh đak Singapore vă pơm pơ ‘lơ̆ng hlŏh dơ̆ng tơdrong pơvei jang hơdoi gĭt kăl đơ̆ng 2 teh đak; athei păih Singapore adrin jang hơdoi, bơ̆ jang dôm tơdrong pơchĕh ‘nao kiơ̆ tơdrong pơkăp jang hơdoi; pơlung dôm anih tĕch mơdro Singapore tơlĕch trong jang hơdoi ‘nao păng hơtŏk tơdrong tơmât jên jang tơ̆ teh đak Việt Nam.