Lơ̆m ‘măng năm bơ̆ jang âu, Thủ tướng Phạm Minh Chính đei lơ tơdrong jang tôch hơiă, hăm 19 tơdrong jang 2 pang, đei pơma đam hăm Thủ tướng teh đak Trung Quốc Lý Cường; kŭm hăm Thủ tướng Lý Cường dơ̆ng lăng lêh kĭ pơkăp pơjing Anih tang măt ăn Việt Nam tơ̆ Trùng Khánh; pơma nuh hăm kơdră chĕp kơ̆l dêh char Vân Nam, plt Trùng Khánh, Tơring pơgơ̆r kơdih kơ bơngai Choang Quảng Tây...

Tơ̆ dôm ‘măng pơma đam, pơma nuh đơ̆ng Thủ tướng Phạm Minh Chính hăm Thủ tướng Trung Quốc Lý Cường păng kơdră chĕp kơ̆l dêh char Vân Nam, Trùng Khánh, Quảng Tây, 2 păh drơ̆ng nơ̆r ăn dôm tơdrong tơchĕng atŭm gĭt kăl găh tơdrong hơnơ̆ng tơlĕch jang, chih hơdăh tơdrong pơkăp atŭm, hơtŏk tơdrong pơvei Việt Nam hăm Trung Quốc, lơ̆m noh đei dôm tơring găh Trung Quốc tŏk pran ‘lơ̆ng, roi đunh roi đei yoa păng pran kơjăp.