

Iung pơma tơ̆ Hop akŏm, ƀok Trần Cẩm Tú- Bí thư Đảng rim hơnih bơ̆ jang đảng Trung ương tơbăt, bơ̆ jang tang găn hơlou, iung tơjră tang găn sa pơgơ̆m pơjĭp, pơhoach brăh brư, pơm glăi păng hơmet pơ ‘lơ̆ng tư pháp jăl jang ou ki hlôi đei hơyak ‘lơ̆ng pran kơtang păng iŏk đei jơnei gĭt kăl, lơ̆m ou đei hơnăp jang păng tơgop tih tên đơ̆ng Hơnih bơ̆ jang Nô̆i chĭnh Trung ương. Ƀok Trần Cẩm Tú athei lơ̆m jăl jang ‘nao Đang ƀô̆ Hơnih bơ̆jang Nô̆i chĭnh Trung ương kăl tơplih ‘nao trong bơ̆ jang, iung jang tơchă ƀôh tơtom, pơchoh trong ăn dôm tơdrong jang kăl, tơdrong tơnap tap lơ̆m bơ̆ jang tang găn hơlou, iung tơjră tang găn sa pơgơ̆m pơjĭp, pơhoach brăh brư, pơm glăi păng hơmet pơ ‘lơ̆ng tư pháp, trŏ lăp hăm tơdrong pơkoel yan ou kơ teh đak. Hop akŏm tih jei pôk rơih Khul kơdră chĕp pơgơ̆r Đang ƀô̆ jăl jang 2025-2030.
Viết bình luận