Tơ̆ hop akŏm, rim bơngai jang lơ̆m Đảng đoan Kuôk hô̆i păng Jơnŭm pơgơ̆r jang Đảng teh đak pơma đam hơdăh hloh dôm tơdrong đei jơnei đơ̆ng jang hadoi 2 păh; mă kăl găh tơlĕch dôm xơnong jang, tơroi kơ dôm tơdrong tơnap tap vă atŭm băl hlôh vao, jang hadoi, vă pơm jang đei jơnei hloh dôm xơnong jang kơ rim păh păng kơyươ tơchơ̆t atŭm. Xơkơ̆t pơtôch hop akŏm, Thủ tươ̆ng teh đak bơ̆n Phạm Minh Chính hmach bơnê kơ tơdrong yak hadoi, vang glơng xơnong jang đơ̆ng Kuôk hô̆i păng Jơnŭm pơgơ̆r teh đak; lui ngeh, khei năr truh Đảng đoan Kuôk hô̆i păng Jơnŭm pơgơ̆r jang đảng teh đak gô pơtoi jang atŭm kơjăp, pơtoi tơplih ‘nao, hơbĕch trŏ ƀlep hăm tơdrong đei ƀôh, mă kăl noh lơ̆m chih akŏm khôi lươ̆t, dôm tơdrong kăl, tơdrong trŏ vă pơjing khôi lươ̆t teh đak ăn tơdrong hơtŏk tơ-iung kơ teh đak.