Lơ̆m tơdrong bơ̆ jang, dôm bơngai tang măt akŏm pơma nuh, tơgop nơ̆r ăn tơdrong vă chih hơmet ming Luơ̆t MTTQ Việt Nam, Luơ̆t Công đoàn, Luơ̆t Druh dăm, Luơ̆t Pơm kiơ̆ tơdrong pơm tơm đơ̆ng kon pơlei tơ̆ tơring. Atŭm hăm ‘nŏh, Hop akŏm oei vă set hơlen hla ar chih tơroi đơ̆ng chă iŏk nơ̆r tơgop đơ̆ng bơngai tăh hla păng kon pơlei gơih ăn Hop akŏm mă 9, Quốc hội jăl XV.

Tơ̆ hop akŏm, bơngai tang măt ăn Khul kơdră teh đak oei roi tơbăt 1,2 tơdrong ƀơm truh tơmât hơdai anih jang tơ̆ dêh char, hŭt lê̆ anih jang tơ̆ apŭng păng hơnơ̆ng hơmet ming anih jang tơ̆ xăh. Pơma pơih blŭng, Kơdră Anih Trung ương MTTQ Việt Nam Đỗ Văn Chiến athei dôm bơngai tang măt hơtŏk đon jang tơnăp, kơchăng vang tơgop nơ̆r mă ‘lơ̆ng vă chih pơkĕh rim hla ar tơroi ăn anih jang kơpal hơlen năng, tơchơ̆t. Tơ̆ hop akŏm, Phó Thủ tướng Nguyễn Chí Dũng oei tơroi truh 1,2 tơdrong găh mŭk drăm, tơpôl kơ teh đak, tơdrong tơmât anih jang tơ̆ dêh char, hŭt lê̆ anih jang tơ̆ apŭng, hơnơ̆ng tơmât hơdai anih jang tơ̆ xăh.