Tơ̆ jơ pơma đam, Thủ tướng Nga pơma hơdăh Nga ling lang năng Việt Nam jĭ 1 lơ̆m dôm teh đak jang hơdoi tơm hlŏh tơ̆ tơring châu Á-Thái Bình Dương; pơma hơdăh ‘măng năm ngôi mă âu gô tơgop pơm pơ ‘lơ̆ng hlŏh dơ̆ng tơdrong pơvei jang tơbôl đơ̆ng sơ̆ păng jang hơdoi gĭt kăl tôm tơdrong đơ̆ng Nga păng Việt Nam. 

Ƀar ‘nu kơdră chĕp kơ̆l hlôi pơma nuh tôch hơlen găh dôm trong jang vă hơmet kơjăp đon lui chinh trĭ păng pơih xă tơdrong jang hơdoi 2 pang, mă loi hăm dôm tơdrong pran ‘lơ̆ng nhen unh hơyuh, tĕch mơdro – tơmât jên jang, jang kơmăy khul linh, pơm trong gre, jang kơmăy kơmŏk ‘nao, kơmăy rơgei, mŭk drăm kơsô̆, jang pơgang, pơtho pơhrăm, jŏh ayŏ kơ dŏ xoang, chă tơmang lăng, jang hơdoi tơ̆ tơring păng pơvei kon pơlei.